Memleket basshysy Federaldyq kantslerdiń vedomstvosyna bardy
Qasym-Jomart Toqaevty Germanııanyń Federaldyq Kantsleri Olaf Sholts qarsy aldy, dep habarlaıdy QazAqparat Aqordanyń baspasóz qyzmetine silteme jasap.
Sanaýly mınýttardan keıin Ortalyq Azııa memleketteri basshylary men Germanııa Kantsleriniń kezdesýi bastalady.
Eske salsaq, keshe QR Prezıdenti Qasym-Jomart Toqaevtyń Germanııa Federatıvtik Respýblıkasyna resmı sapary bastaldy.
Prezıdent Germanııa Kantsleri Olaf Sholtstiń vedomstvosyna baryp, betpe-bet formatynda kelissóz júrgizdi.
Kelissózderden keıin tilshilerge bergen baspasóz máslıhatynda Prezıdent Qazaqstannyń Reseımen ekijaqty tarapta jáne tıisti ıntegratsııalyq birlestikter sheńberinde turaqty dostyq qarym-qatynasta ekenin aıtty.
Ýkraınadaǵy jaǵdaıǵa qatysty Qazaqstannyń ustanymy jóninde pikir bildirdi. Ózara aıyptaýlardy toqtatyp, iskerlik kelissózder júrgizýge shaqyrdy.
Qazaqstan men Germanııanyń iri jáne orta bıznesteri arasynda mańyzdy kommertsııalyq kelisimder bekitildi.
Memleket basshysy Germanııanyń Federaldyq kantslerimen keńeıtilgen quramda kelissóz júrgizdi.
Prezıdent júrgizilgen kelissózder qazaq-german qatynastaryn odan ári nyǵaıtýǵa eki taraptyń nıetti ekenin taǵy da rastaǵanyn atap ótti.
Sondaı-aq Qazaqstan men Germanııa Prezıdentteri kópjaqty yntymaqtastyqty nyǵaıta túsýge ýaǵdalasty.
Qasym-Jomart Toqaev Ortalyq Azııa memleketteri basshylarynyń Germanııa Prezıdentimen kezdesýine qatysty.
