Memleket basshysy Eýropalyq Keńes Prezıdentimen kelissóz júrgizdi
NЬıÝ-IORK. KAZINFORM — Qasym-Jomart Toqaev Eýropalyq Keńes basshysy Antonıý Koshtaǵa iltıpat bildirip, Qazaqstan Uıymmen ekijaqty negizde, sondaı-aq C5+ formaty aıasynda seriktestikti arttyrýdy berik ustanatynyn jetkizdi. Bul týraly Aqordanyń baspasóz qyzmeti habarlady.
Áńgimelesý barysynda Qazaqstan men Eýropa Odaǵy arasynda saýda-ekonomıkalyq, ınvestıtsııalyq jáne mádenı-gýmanıtarlyq baılanystardy ilgeriletýge baǵyttalǵan saıası dıalogtyń qarqyndy damyp kele jatqany aıtyldy.
Qasym-Jomart Toqaev pen Antonıý Koshta halyqaralyq jáne óńirlik kún tártibindegi ózekti máselelerdi talqylady.
Kezdesýde ózara tıimdi óńiraralyq yntymaqtastyqty odan ári nyǵaıtýdy jalǵastyrý jónindegi ýaǵdalastyqqa qol jetkizildi.
Búgin Memleket basshysy BUU Bas hatshysymen kezdesý ótkizdi.
Sonymen qatar Ýkraına Prezıdentimen kezdesip, ekijaqty ekonomıkalyq jáne gýmanıtarlyq yntymaqtastyq máselelerin talqylady.