Memleket basshysy Endrıý Bernemdi Ulybrıtanııa jáne Soltústik Irlandııa Birikken Koroldiginiń Premer-mınıstri qyzmetine kirisýimen quttyqtady
ASTANA. KAZINFORM - Prezıdent Qasym-Jomart Toqaev Endrıý Bernemdi Ulybrıtanııa jáne Soltústik Irlandııa Birikken Koroldiginiń Premer-mınıstri qyzmetine kirisýimen quttyqtady, dep habarlaıdy Aqordanyń bapasóz qyzmeti.
Memleket basshysy quttyqtaý jedelhatynda Qazaqstan men Ulybrıtanııa arasyndaǵy qarym-qatynas deńgeıi joǵary ekenin atap ótip, eki el halyqtarynyń múddesi úshin saıası dıalogty, saýda-ekonomıkalyq jáne ınvestıtsııalyq yntymaqtastyqty odan ári nyǵaıtý baǵytynda birlese jumys isteýge daıyn ekenin rastady.
Qasym-Jomart Toqaev Endrıý Bernemniń jaýapty memlekettik qyzmetine tabys, dostas Birikken Koroldik halqyna baq-bereke tiledi.
Osyǵan deıin Qasym-Jomart Toqaev Shavkat Mırzıeevti týǵan kúnimen quttyqtaǵan bolatyn.
