Memleket basshysy: Elge qorǵan bolý – eń abyroıly qyzmet
ASTANA. KAZINFORM – Memleket basshysy áńgime barysynda elge qorǵan bolý – eń abyroıly qyzmet ekenin erekshe atap ótti. Bul týraly Aqordanyń baspasóz qyzmeti habarlady.
– Naǵyz patrıot azamat úshin budan asqan mártebe joq. Kúshtik qurylym qyzmetkerleriniń kúndelikti tabandy eńbegi el úshin jasalǵan erlik ekeni sózsiz. Sizder árqaısyńyz sertke berik bolyp, Otan aldyndaǵy mindetterińizdi minsiz oryndap júrsizder. Men Memleket basshysy jáne Joǵarǵy Bas Qolbasshy retinde barshańyzǵa shynaıy rızashylyǵymdy bildiremin. Búgin sizderge áskerı ataq pen synyptyq shen berý týraly tıisti Jarlyqqa qol qoıdym. Buǵan qosa birqatar azamatty joǵary memlekettik nagradamen marapattaý týraly sheshim qabyldadym. Barshańyzǵa qutty bolsyn! Óskeleń urpaq sizderge qarap boı túzeıdi, týǵan elge adal bolýdy úırenedi. Sizder jastarǵa úlgi bolyp, jol kórsetip, árdaıym ult múddesine qyzmet ete beresizder dep senemin. Aıbyndy armııamyzdyń abyroıy arta bersin, - dedi Prezıdent.
Eske sala keteıik, buǵan deıin Prezıdent memlekettik marapat jáne áskerı shen tapsyrý rásiminde sóz sóılegen edi.
