Memleket basshysy Elena Rybakınany jeńisimen quttyqtady
ASTANA. KAZINFORM – Memleket basshysy Elena Rybakınany Australian Open tennıs týrnıriniń fınalyndaǵy jeńisimen quttyqtady.
– Sizdi sporttaǵy kezekti tamasha jetistigińizben – tennısten Avstralııa ashyq chempıonatyndaǵy keremet, aıqyn jeńisińizben shyn júrekten quttyqtaımyn! Siz jeńiske degen erik-jigerińiz ben minsiz sheberligińizdi taǵy da dáleldedińiz, buǵan búkil álemniń tennıs qaýymdastyǵy súısine qarady. Aldaǵy ýaqytta da eń bedeldi týrnırlerde jeńiske jete berýińizge tilektespin! – delingen quttyqtaýda.
Aıta keteıik, Elena Rybakına Aýstralııa ashyq chempıonatynyń jeńimpazy atandy.
Qazaqstandyq tennısshi álemniń 1-raketkasy, «Úlken dýlyǵa» týrnıriniń tórt dúrkin chempıony, Belarýs ókili Arına Sobolenkomen chempıondyq ataqty sarapqa saldy.