Memleket basshysy Eldos Smetovke qońyraý shaldy

ASTANA. KAZINFORM - Memleket basshysy Qasym-Jomart Toqaev chempıondy telefon arqyly quttyqtady, dep habarlaıdy Aqordanyń baspasóz qyzmeti. 

– Qazaqtyń rýhyn, jalpy halqymyzdyń myqty minezin kórsettiń. Bárimiz seni maqtan tutamyz. Sózińde turdyń, tamasha jeńiske jettiń, naǵyz jigitsiń! Sen sııaqty jigitterdiń arqasynda týymyz árqashanda asqaqtap, jelbireı bersin. Jańa jeńisterge jete ber. Saǵan jáne otbasyńa amanshylyq tileımin. Astanada kezdeskenshe! – dedi Prezıdent.

Aıta keteıik, búgin el sportynyń tarıhyndaǵy aıtýly oqıǵa boldy. Qazaqstan qorjynyna alǵash ret dzıýdodan Olımpıada altyny tústi. Úshinshi márte tórtjyldyqtyń bas dodasyna qatysqan Eldos Smetov fınalda Lýka Mheıdzemen (Frantsııa) kúresip, qarsylasynan basym tústi.