Memleket basshysy eldi mekenge tarıhı tulǵalardyń atyn berý týraly: Osymen toqtaıyq

BÝRABAI. KAZINFORM –  Prezıdent Qasym-Jomart Toqaev Ulttyq quryltaıdyń IV otyrysynda onomastıka salasyndaǵy jańa ustanymdardy aıqyndap berdi.

- El tarıhynda aıryqsha ról atqarǵan áıgili babalarymyzdyń esimi kóptegen eldi meken men kóshelerge berilgen. Endi osymen toqtaıyq. Ótken zaman qaıratkerleriniń atyn el jadynda saqtaý máselesine meılinshe salmaqty kózqaraspen qaraǵan jón. Qalalar men kóshelerdiń ataýynan halqymyzdyń tól tarıhy kórinis tabýy qajet, - dedi Qasym-Jomart Toqaev.

Memleket basshysynyń aıtýyna qaraǵanda, ádemi jer-sý ataýlaryn jáne halyq ishinde keń taralǵan dástúrli ataýlar tolyq paıdalanylmaı jatyr.

- Biraq aýyl-aımaqtardyń tarıhı turǵydan eskirgen ataýlaryn ózgertý máselesine muqııat qaraǵan jón. Bul jerde eshqandaı naýqanshyldyq bolmaýy kerek. Halyq arasynda jan-jaqty túsindirý jumysyn júrgizip, turǵyndardyń pikirin eskerý mańyzdy, - dedi Prezıdent.

Aıta ketý kerek, quryltaıdyń paneldik sessııalary keshe bastalǵan. Ol sektsııalardyń taqyryptary azamattyq qoǵam, mádenıet, óner, rýhanııat, bilim jáne ǵylym, áleýmettik-ekonomıkalyq damý máselelerin qamtydy.