Memleket basshysy Efıopııa prezıdentine quttyqtaý jedelhatyn joldady
ASTANA. KAZINFORM — Qasym-Jomart Toqaev Taıe Atske-Selassıeni Efıopııanyń Ulttyq kúnimen quttyqtady, dep habarlaıdy Aqordanyń baspasóz qyzmeti.
Prezıdenttiń aıtýynsha, Efıopııa — Qazaqstannyń Afrıka qurlyǵyndaǵy senimdi ári mańyzdy seriktesteriniń biri.
— Sondaı-aq Memleket basshysy birlesken kúsh-jigerdiń arqasynda dostyq pen ózara túsinistikke negizdelgen ekijaqty qarym-qatynas qos halyqtyń ıgiligi jolynda damı beretinine senim bildirdi. Qasym-Jomart Toqaev Taıe Atske-Selassıeniń jaýapty qyzmetine tabys, dostas Efıopııa halqyna qut-bereke tiledi, — delingen habarlamada.
Osydan buryn Qasym-Jomart Toqaev Ázerbaıjan Prezıdentin Táýelsizdik kúnimen quttyqtaǵanyn jazǵan edik.
