Memleket basshysy AQSh-tyń saılanǵan Prezıdenti Donald Tramppen telefon arqyly sóılesti

 ASTANA. KAZINFORM - Qasym-Jomart Toqaev Donald Trampty Amerıka Qurama Shtattarynyń Prezıdenti bolyp saılanýymen quttyqtady, dep habarlaıdy Aqordanyń baspasóz qyzmeti.

Saıasatkerler saýda, ınvestıtsııa salalarynda jáne ıadrolyq qarýdy taratpaý baǵytynda strategııalyq seriktestikti damytýǵa beıil ekenderin rastady.

Memleket basshysy halyqaralyq kún tártibindegi ózekti máseleler boıynsha Qazaqstannyń ustanymyn jetkizdi.

Qasym-Jomart Toqaev pen Donald Tramp ekijaqty yntymaqtastyqtyń joǵary qarqynyn saqtaý maqsatynda udaıy baılanysta bolýǵa ýaǵdalasty.

Osyǵan deıin Donald Tramptyń AQSh-taǵy prezıdent saılaýynda jeńiske jetkeni týraly jazǵan edik.