Memleket basshysy Denıs Mantýrovty І dárejeli «Dostyq» ordenimen marapattady

ASTANA. KAZINFORM – Prezıdent Reseı Federatsııasy Úkimeti tóraǵasynyń birinshi orynbasaryn І dárejeli «Dostyq» ordenimen marapattady. Bul týraly Aqordanyń baspasóz qyzmeti habarlady. 

— Memleket basshysy eki el arasyndaǵy dostyq pen yntymaqtastyqty nyǵaıtýǵa, sondaı-aq áleýmettik-ekonomıkalyq jáne mádenı qarym-qatynastardy damytýǵa eleýli úles qosqany úshin Denıs Mantýrovty І dárejeli «Dostyq» ordenimen marapattady, — delingen habarlamada. 

Buǵan deıin Prezıdent Reseı Federatsııasy Úkimeti tóraǵasynyń birinshi orynbasaryn qabyldaǵany týraly habarlanǵan. Kezdesýde Qazaqstan Prezıdentiniń Máskeýge jasaıtyn memlekettik sapary aıasynda qaralatyn kópjosparly yntymaqtastyqtyń basty baǵyttary talqylandy.