Memleket basshysy Darhan Satybaldyǵa naqty mindetter júktedi

ASTANA. KAZINFORM - Qasym-Jomart Toqaev Prezıdent Ákimshiligi Basshysynyń birinshi orynbasaryn qabyldady, dep habarlaıdy Aqordanyń baspasóz qyzmeti.

Prezıdent kezdesý barysynda Darhan Satybaldynyń Túrkistan oblysynda atqarǵan jumysyna joǵary baǵa berdi.

Qasym-Jomart Toqaev Prezıdent Ákimshiligi Basshysynyń birinshi orynbasary laýazymy basqarý protsesi men aımaqtar arasyndaǵy yqpaldastyqty jetildirý, óziniń tapsyrmalary men sheshimderiniń jergilikti jerde oryndalý barysyna baqylaýdy kúsheıtý, sondaı-aq qabyldanǵan sharalardyń sapasyn jaqsartyp, azamattardyń memlekettik ınstıtýttarǵa senimin nyǵaıtý maqsatynda engizilip otyrǵanyn atap ótti.

Sonymen qatar Prezıdent Ákimshiligi Basshysynyń birinshi orynbasaryna naqty mindetter júkteldi.

Osyǵan deıin habarlaǵanymyzdaı, Darhan Satybaldy QR Prezıdentiniń Ákimshiligi Basshysynyń birinshi orynbasary bolyp taǵaıyndaldy.