Memleket basshysy CRRC dırektorlar keńesiniń tóraǵasy Sýn ıÝntsaıdy qabyldady

ASTANA. KAZINFORM – Áńgimelesý barysynda Qasym-Jomart Toqaev temir jol mashınalaryn jasaýǵa mamandanǵan álemdegi eń iri kásiporyndardyń biri sanalatyn CRRC kompanııasymen uzaq jyldar boıy jalǵasyp kele jatqan seriktestikti joǵary baǵalady.

Prezıdent 2023 jyldyń qazan aıynda Qytaıǵa jasaǵan saparynan keıin CRRC kompanııasymen yqpaldastyq jańa deńgeıge kóterilgenin atap ótti. «Qazaqstan temir joly» ulttyq kompanııasyna 100 magıstraldi jáne 100 manevrli teplovoz jetkizý jóninde mámile jasaldy. Aldaǵy ýaqytta QTJ qosymsha 270 gıbrıdti manevrli teplovoz satyp alýdy josparlap otyr.

Memleket basshysy seriktestiktiń kelesi kezeńine ótý mańyzdy ekenine nazar aýdardy. ıAǵnı teplovoz jetkizýmen qatar elimizde lokomotıv óndirisin lokalızatsııalaý jáne servıstik ortalyqtar ashý qajet. Prezıdenttiń pikirinshe, bul otandyq mashına jasaý salasyn damytady. Sondaı-aq jańa jumys oryndaryn quryp, temir jol ınfraqurylymyna jedel tehnıkalyq qyzmet kórsetýge múmkindik beredi.

CRRC kompanııasy jylyna 2 myńnan astam lokomotıv, 3 myń jolaýshy jáne 50 myń júk vagonyn, sondaı-aq 11 myń qoǵamdyq kólik qurastyryp shyǵarady. Kásiporyn ónimi 100-den astam elge eksporttalady.

Aıta keteıik, buǵan deıin Qasym-Jomart Toqaev CNNC kompanııasynyń bas dırektoryn qabyldaǵan bolatyn.