Memleket basshysy Chehııa Prezıdentine kóńil aıtý jedelhatyn joldady

Qasym-Jomart Toqaev Praga qalasynda bolǵan qaıǵyly oqıǵaǵa baılanysty Cheh Respýblıkasynyń Prezıdenti Petr Pavelge kóńil aıtty, dep habarlaıdy Aqordanyń baspasóz qyzmeti. 

– Praga qalasyndaǵy Karlov ýnıversıtetinde bolǵan jantúrshigerlik qarýly shabýyl saldarynan kóptegen otandastaryńyzdyń qaza tapqany jáne jaraqat alǵany týraly sýyt habardy tereń kúızelispen qabyl aldym. Osyndaı aýyr sátte Chehııa halqynyń qaıǵy-qasiretine ortaqtasyp, Sizge jáne jaqyndarynan aıyrylǵan otbasylarǵa kóńil aıtamyn, al zardap shekken azamattardyń tez arada saýyǵyp ketýine tilektestik bildiremin, – dep jazylǵan jedelhatta.