Memleket basshysy ІІІ Charlzdiń týǵan kúnine baılanysty quttyqtaý hatyn joldady
ASTANA. KAZINFORM – Memleket basshysy Ulybrıtanııa jáne Soltústik Irlandııa Birikken Koroldiginiń Koroli ІІІ Charlzdiń týǵan kúnine baılanysty quttyqtaý hatyn joldady. Bul týraly Aqordanyń baspasóz qyzmeti habarlady.
Qasym-Jomart Toqaev qazaq-brıtan qarym-qatynasynyń joǵary deńgeıde ekenin atap ótip, eki el arasyndaǵy strategııalyq seriktestiktiń odan ári nyǵaıa beretinine senim bildirdi.
Prezıdent Koroldiń Birikken Koroldiktiń ıgiligi jolyndaǵy joǵary memlekettik qyzmetine tabys, al dostas Ulybrıtanııa halqyna baq-bereke tiledi.
