Memleket basshysy Cameco korporatsııasynyń prezıdenti Tım Gıttseldi qabyldady
NЬıÝ-IORK. KAZINFORM – Prezıdenttiń Nıý-Iork qalasyndaǵy jumys sapary kanadalyq transulttyq kompanııanyń basshysymen kezdesýden bastaldy. Júzdesýde ýran óndirý salasyndaǵy yntymaqtastyq perspektıvasy talqylandy. Bul týraly Aqordanyń baspasóz qyzmeti habarlady.
Qasym-Jomart Toqaev Cameco «Qazatomónerkásip» ulttyq kompanııasynyń burynnan kele jatqan senimdi seriktesi ekenin atap ótti. Elimizde qyzmet ete bastaǵannan beri atalǵan kompanııa 500 mıllıon dollardan astam ınvestıtsııa quıǵan ári tehnologııalar transfertine yqpal etken.
Memleket basshysynyń aıtýynsha, Qazaqstan energetıkany damytýdyń jańa kezeńine ótip, aldaǵy ýaqytta úsh atom elektr stansasyn salýdy kózdep otyr. Elimiz atom salasynda qoldanylatyn ınnovatsııalyq tásilderge qyzyǵýshylyq tanytady.
Tım Gıttsel Prezıdentke «Inkaı» birlesken kásipornynyń qazirgi qyzmeti men josparlary jóninde aqparat berdi. Bul kompanııa Túrkistan oblysynda ornalasqan ken ornyn shırek ǵasyrdan beri ıgerip keledi.
Buǵan deıin Prezıdent Qasym-Jomart Toqaevtyń Nıý-Iorkke jumys sapary bastalǵanyn jazǵan edik.