Toqaev pen Pan Gı Mýn BUU reformasy týraly pikir almasty
ASTANA. KAZINFORM – Memleket basshysy BUU-nyń burynǵy Bas hatshysy Pan Gı Mýndy qabyldady. Bul týraly Aqordanyń baspasóz qyzmeti habarlady.
Prezıdent Qasym-Jomart Toqaev Seýlge memlekettik sapary aıasynda Birikken Ulttar Uıymynyń 8-shi Bas hatshysy, Jahandyq jasyl damý ınstıtýtynyń (GGGI) tóraǵasy Pan Gı Mýnmen júzdesti.
Memleket basshysy damýshy elderdiń «jasyl ekonomıka» modeline kóshýine qoldaý bildiretin GGGI qyzmetiniń mańyzyna toqtaldy. Ol áleýmettik turaqtylyqty, klımat ózgeristerine tózimdilikti jáne ekonomıkalyq damýdy qamtamasyz etýge baǵyttalǵan.
Pan Gı Mýn Qazaqstannyń ornyqty damý salasyndaǵy tabystaryn quptap, dúnıejúzilik klımat kún tártibi aıasynda yntymaqtastyqty jalǵastyrýǵa daıyn ekenin málimdedi.
Sonymen qatar Qasym-Jomart Toqaev pen Pan Gı Mýn Birikken Ulttar Uıymyn reformalaý jáne ony qazirgi zaman talabyna beıimdeý týraly pikir almasty.
Aıta ketelik Qasym-Jomart Toqaev Koreıa Respýblıkasyna memlekettik saparmen barǵan edi. Sonymen qatar Prezıdent Qasym-Jomart Toqaev Koreıanyń birqatar azamatyn marapattady.
