Memleket basshysy BUU minberinde Ýkraına aınalasyndaǵy daǵdarysty sheshýdiń basty qaǵıdatyn atady
NЬıÝ-IORK. KAZINFORM — Memleket basshysy Qasym-Jomart Toqaev BUU Bas Assambleıasynyń 80-shi sessııasy aıasyndaǵy Jalpy debatta sóz sóılep, Ýkraına aınalasyndaǵy daǵdarysqa toqtaldy.
— Qazaqstan beıbit turǵyndarǵa orasan zor zalal keltirip, jahandyq senimge selkeý túsirgen jáne halyqaralyq qaýipsizdikti álsiretken Ýkraına aınalasyndaǵy daǵdarysqa alańdaýly. Degenmen atalǵan qaqtyǵysty toqtatý úshin ekijaqty jáne halyqaralyq deńgeıdegi dıplomatııalyq kúsh-jigerdi jalǵastyryp, qos memleket uzaq merzimdi múddelerine saı keletin saıası ıkemdilik kórsetýi kerek, — dedi Prezıdent.
Qasym-Jomart Toqaev aýmaqtyq daý-damaıdy sheshý eshqashan ońaı bolmaǵanyn eske saldy.
— Ol keleshek urpaqtyń qamy úshin eki jaqtyń da barynsha ustamdylyq pen jaýapkershilik tanytýyn talap etedi. Óshpendilik psıhologııasy qaqtyǵysqa qatysýshy taraptardyń bitimge kelýine múmkindik qaldyrmaı, qaı-qaısysyn da qurdymǵa jiberedi, — dedi Memleket basshysy.
Buǵan deıin habarlaǵanymyzdaı, Memleket basshysy BUU Bas Assambleıasynyń mereıtoılyq 80-sessııasynyń Jalpy debattyń ashylýyna qatysyp otyr.
Prezıdent Qasym-Jomart Toqaevtyń Nıý-Iork tórinde BUU minberinen sóılegen sózin Jibek Joly arnasy tikeleı efırde kórsetti.
Budan buryn Prezıdent álemdegi qaýipsizdik arhıtektýrasyn qaıta qalpyna keltirý eń basty basymdyq bolýy tıis ekenin alǵa tartty.
