Memleket basshysy Brıýsselge resmı saparmen bardy
ASTANA.KAZINFORM — Qazaqstan Prezıdentiniń kelýine oraı Belgııa astanasynyń áýejaıynda Qurmet qaraýyly rotasy sap túzedi. Bul týraly Aqordanyń baspasóz qyzmeti habarlady.
Qasym-Jomart Toqaevty Eýropa Odaǵynyń Ortalyq Azııa boıynsha arnaıy ókili Edýards Stıpraıs pen basqa da resmı tulǵalar qarsy aldy.
Erteń Eýropalyq keńestiń shtab-páterinde Eýropa Odaǵynyń basshylary Antonıý Koshtamen jáne Ýrsýla fon der Lıaıenmen ekijaqty kelissózder júrgiziledi.
Sapar aıasynda birqatar mańyzdy birlesken qujatqa qol qoıylady.
Aıta ketelik Toqaev Qazaqstan Eýropalyq Odaqpen yntymaqtastyqty jańa deńgeıge kóterýge daıyn ekenin aıtqan edi.
