Prezıdent saılaý, prokýratýra jáne áleýmettik zańnamaǵa qatysty birneshe zańǵa qol qoıdy
ASTANA.KAZINFORM — Memleket basshysy Qazaqstannyń Konstıtýtsııasyna sáıkestendirý jáne quqyqtyq júıeni jetildirý aıasynda eki zańǵa qol qoıdy. Bul týraly Aqordanyń baspasóz qyzmeti málim etti.
Birinshisi – qylmystyq, qylmystyq-protsestik, qylmystyq-atqarý jáne ákimshilik quqyq buzýshylyq kodeksterine túzetýler engizýdi qarastyratyn zań, ekinshisi – saılaý, prokýratýra jáne áleýmettik qamsyzdandyrý máselelerin jetildirýdi maqsat tutqan zań. Eki qujat ta elimizdiń zańnamasyn zamanaýı talaptarǵa sáıkes keltirýge baǵyttalǵan.
— Memleket basshysy «Qazaqstan Respýblıkasynyń keıbir zańnamalyq aktilerine olardy Qazaqstan Respýblıkasynyń Konstıtýtsııasyna sáıkes keltirý, Qazaqstan Respýblıkasynyń saılaý, prokýratýra jáne áleýmettik qamsyzdandyrý týraly zańnamasyn jetildirý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy, — delingen habarlamada.
Al qylmystyq jáne ákimshilik zańnamany jetildirýge baǵyttalǵan zańǵa qatysty:
— Memleket basshysy «Qazaqstan Respýblıkasynyń Qylmystyq, Qylmystyq-protsestik, Qylmystyq-atqarý kodeksterine jáne Qazaqstan Respýblıkasynyń Ákimshilik quqyq buzýshylyq týraly kodeksine olardy Qazaqstan Respýblıkasynyń Konstıtýtsııasyna sáıkes keltirý, Qazaqstan Respýblıkasynyń saılaý jáne prokýratýra týraly zańnamasyn jetildirý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy, — dep habarlady Aqordadan.
Zańnyń mátinderi baspasózde jarııalanady.
Aıta keteıik, Toqaev EAEO jáne Omanmen kelisimderge qatysty zańdarǵa qol qoıdy.
