Memleket basshysy BRIKS sammıtine qatysýshylarmen birqatar kezdesý ótkizdi
QAZAN. KAZINFORM – Bul týraly búgin Aqordanyń baspasóz qyzmeti habarlady.
Qasym-Jomart Toqaev Qazan qalasynda ótip jatqan BRIKS-tiń XVI sammıti aıasynda QHR Tóraǵasy Sı Tszınpınmen, Ázerbaıjan Prezıdenti Ilham Álıevpen, Mysyr Prezıdenti Ábdel Fattah As-Sısımen, Laos Prezıdenti Thonglýn Sısýlıtpen, Kongo Prezıdenti Denı Sassý-Ngessomen jáne Vetnam Premer-mınıstri Fam Mın Chınmen kezdesip, az-kem áńgimelesti.
Osyǵan deıin Qasym-Jomart Toqaevtyń BRIKS-tiń XVI sammıti ótip jatqan «Qazan Ekspo» halyqaralyq kórme ortalyǵyna barǵanyn habarladyq.
Qasym-Jomart Toqaevty Reseı Prezıdenti Vladımır Pýtın qarsy aldy.
Aıta keteıik, QR Prezıdenti Qasym-Jomart Toqaev Reseı Federatsııasynyń Prezıdenti Vladımır Pýtınniń shaqyrýymen BRIKS-ke múshe memleketter basshylarynyń XVI Sammıtine qatysý úshin Qazan qalasyna jumys saparymen bardy.
Sapar aıasynda Qazaqstan Prezıdenti ekijaqty kezdesýler ótkizip, BRIKS-tiń «aýtrıch»/«BRIKS+» formatyndaǵy plenarlyq otyrysynda sóz sóıleıdi.
