Memleket basshysy Brazılııa prezıdentin elimizge saparmen kelýge shaqyrdy
Qasym-Jomart Toqaev Brazılııa Qazaqstannyń Latyn Amerıkasyndaǵy basty seriktesteriniń biri ekenin aıtty. Bul týraly Aqorda málim etti.
– Sizdiń Qazaqstanǵa saparyńyz der kezinde uıymdastyrylyp otyr. Bul ekijaqty qarym-qatynastardy nyǵaıtýǵa tyń serpin beretinine senimdimin. Elderimiz arasyndaǵy san qyrly yntymaqtastyq dáıekti túrde damyp kele jatyr. Sizben birge úlken iskerlik delegatsııa keldi. Bul Qazaqstanmen yqpaldastyqty ilgeriletýge asa jaýapkershilikpen qaraıtyndaryńyzdy kórsetedi, – dedi Prezıdent.
Memleket basshysy Prezıdent Lýla da Sılvaǵa izgi sálemi men ystyq yqylasyn joldap, elimizge saparmen kelýge shaqyrdy.
Maýro Vıeıra Qazaqstanǵa Brazılııa Prezıdentiniń arnaıy tapsyrmasy boıynsha kelgenin jetkizdi. Onyń aıtýynsha, eki el arasyndaǵy saıası, saýda-ekonomıkalyq jáne mádenı-gýmanıtarlyq baılanystardy odan ári keńeıtýdiń áleýeti zor. Qazaqstan Prezıdenti men Brazılııa Syrtqy ister mınıstri energetıka, taý-ken metallýrgııa kesheni, aýyl sharýashylyǵy, ınnovatsııa jáne jasandy ıntellekt salalaryndaǵy yntymaqtastyqty tereńdetý perspektıvasyn talqylady.
Buǵan deıin Qazaqstan men Brazılııa SІM basshylary Astanada kelissóz ótkizgenin jazdyq.
