Memleket basshysy Bolgarııa prezıdentine quttyqtaý jedelhatyn joldady

ASTANA. KAZINFORM — Qasym-Jomart Toqaev Ilııana Iotovany Bolgarııa Respýblıkasynyń ulttyq merekesi — Azat etý kúnimen quttyqtady, dep habarlaıdy Aqordanyń baspasóz qyzmeti.

Prezıdent Bolgarııany Qazaqstannyń Eýropa Odaǵyndaǵy mańyzdy ári senimdi seriktesteriniń biri retinde atap, eki el arasyndaǵy saıası dıalogtyń, ekonomıkalyq jáne mádenı-gýmanıtarlyq yntymaqtastyqtyń aıasy keńeıip kele jatqanyna toqtaldy.

Sonymen qatar birlesken kúsh-jiger arqyly qazaq-bolgar yqpaldastyǵy dáıekti túrde damı beretinine senim bildirdi.

— Qasym-Jomart Toqaev Ilııana Iotovanyń jaýapty memlekettik qyzmeti men ıgi bastamalaryna sáttilik, al Bolgarııa halqyna qut-bereke tiledi, — delingen habarlamada.

Budan buryn Memleket basshysynyń ókimimen Ulan Abdılkaıluly Bekish Qazaqstan Respýblıkasynyń Memlekettik qyzmet isteri agenttigi tóraǵasynyń orynbasary laýazymyna taǵaıyndalǵany belgili boldy.