Memleket basshysy Bolgarııa Prezıdentin Azat etý kúnimen quttyqtady

ASTANA. KAZINFORM — Qasym-Jomart Toqaev Bolgarııa Respýblıkasynyń Prezıdenti Rýmen Radevke osy eldiń ulttyq merekesine oraı quttyqtaý jedelhatyn joldady. Bul týraly Aqorda málim etti. 

Qazaqstan Prezıdenti quttyqtaýynda eki el arasyndaǵy dástúrli dostyq pen ózara tıimdi yntymaqtastyqqa negizdelgen qarym-qatynastyń odan ári nyǵaıa beretinine senim bildirgen.

— Qasym-Jomart Toqaev Rýmen Radevtiń jaýapty memlekettik qyzmetine tolaǵaı tabys, al dostas bolgar halqyna qut-bereke tiledi, — delingen habarlamada. 

Eske sala keteıik, buǵan deıin Prezıdent «Túrkistan qalasynyń erekshe mártebesi týraly» zańǵa qol qoıǵanyn jazǵan bolatynbyz.