Memleket basshysy Bıoalýantúrlilik máseleleri boıynsha sammıt aıasynda birqatar kezdesý ótkizdi
ASTANA. KAZINFORM - Erevanda ótip jatqan COP17 aıasyndaǵy Bıoalýantúrlilik máseleleri boıynsha sammıt alańynda Prezıdent Qasym-Jomart Toqaev ıÝNESKO Bas dırektory Haled Ál-Ananımen jáne Eýropalyq komıssııanyń taza, ádil jáne básekege qabilettilikke kóshý máseleleri jónindegi atqarýshy vıtse-tóraǵasy Tereza Rıberamen kezdesti, dep habarlaıdy Aqordanyń baspasóz qyzmeti.
Haled Ál-Ananımen kezdesýde Qazaqstannyń ıÝNESKO-men bilim berý, ǵylym jáne mádenıet salalaryndaǵy yqpaldastyq perspektıvasy talqylandy.
Halyqaralyq bastamalardy ilgeriletýdegi yntymaqtastyqty keńeıtýdiń mańyzy aıtyldy. Bul elder arasyndaǵy gýmanıtarlyq baılanystardy damytýdy jáne dıalogty nyǵaıtýdy kózdeıdi.
Tereza Rıberamen áńgimelesý barysynda Qazaqstan men Eýropalyq odaqtyń ornyqty damý, energetıka jáne qorshaǵan ortany qorǵaý salasyndaǵy yntymaqtastyǵyn nyǵaıtý máseleleri qozǵaldy.
Aıta keteıik, osyǵan deıin Qasym-Jomart Toqaev COP17 aıasyndaǵy Bıoalýantúrlilik boıynsha kóshbasshylar sammıtinde sóz sóıledi.
