Memleket basshysy: Bıyl dıqandarymyz 27 mıllıon tonna astyq jınady

ASTANA. KAZINFORM – Memleket basshysy Qasym-Jomart Toqaev Aýyl sharýashylyǵy eńbekkerleriniń ekinshi forýmynda sóılegen sózinde aýyl sharýashylshyǵynyń qarqyndy damýyna erekshe mán beretinin aıtty. Bul týraly Aqordanyń baspasóz qyzmeti habarlady. 

– Aýyl sharýashylyǵy árdaıym memleket nazarynda. Prezıdent retinde men osy salanyń qarqyndy damýyna erekshe mán beremin. Halqymyz «Egin ekse – el toq» dep beker aıtpaǵan. Byltyr biz mol astyq alyp, sońǵy on jyldaǵy rekordtyq kórsetkishke qol jetkizdik. Bıyl da kúzgi jıyn-terin berekeli boldy. Dıqandarymyz 27 mıllıon tonna astyq jınady. Ár aımaq el qambasyna mol úles qosty. Sonyń ishinde Aqmola oblysy eń joǵary kórsetkishke (7,5 mıllıon tonna) ıe boldy. Qyrkúıek aıynda egin oraǵynyń barysyn kórý úshin oblysqa arnaıy barǵanymdy bilesizder, - dedi Prezıdent.

Buǵan deıin Memleket basshysynyń Aýyl sharýashylyǵy eńbekkerleriniń ekinshi forýmynda sóz sóılegenin jazǵanbyz.