Memleket basshysy Beıjiń Til jáne mádenıet ýnıversıtetiniń prezıdentin qabyldady

ASTANA. KAZINFORM – Memleket basshysy Beıjiń Til jáne mádenıet ýnıversıtetiniń prezıdenti Dýan Pendi qabyldady. Bul týraly Aqordanyń baspasóz qyzmeti habarlady. 

Qasym-Jomart Toqaev Astanada atalǵan ýnıversıtet fılıalynyń ashylýy nátıjeli qazaq-qytaı yntymaqtastyǵynyń joǵary deńgeıin kórsetedi dep sanaıdy. Sondaı-aq bul gýmanıtarlyq baılanysty nyǵaıtyp, elder arasyndaǵy zııatkerlik qarym-qatynastyń qalyptasýyna yqpal etetinine toqtaldy. 

Foto: Aqorda

Kezdesý barysynda jasandy ıntellekt tehnologııalaryn damytý, ǵylym-bilim salasynda yqpaldastyq ornatý, bilikti qytaıtanýshy-lıngvısterdi daıarlaý máseleleri talqylandy. 

Dýan Pen qoldanbaly lıngvıstıka jáne tsıfrlyq oqytý salalarynda birlesken jobalardy iske asyrý perspektıvasy jóninde áńgimeledi.