Memleket basshysy belgili ǵalymdardy marapattady

ASTANA. KAZINFORM — Prezıdent Qasym-Jomart Toqaev bir top ǵalymdy marapattap, orden men qurmetti ataq berý týraly jarlyqqa qol qoıdy. Bul týraly Aqorda málim etti.

— Qasym-Jomart Toqaev shyǵystaný ǵylymyna qosqan eleýli úlesteri jáne fılologııa salasynyń qytaıtaný baǵytyn tereń zerdelep, qazaq tarıhyna qatysty tyń derekterdi jınaqtaýǵa, mádenı qundylyqtarymyzdy nasıhattaýǵa, eki el arasyndaǵy tarıhı baılanysty nyǵaıtýǵa sińirgen aıryqsha eńbekteri úshin R. Súleımenov atyndaǵy Shyǵystaný ınstıtýtynyń bas dırektory, fılologııa ǵylymdarynyń doktory, professor Dúken Másimhanulyna ІІІ dárejeli «Barys» ordenin, sondaı-aq ǵalym, fılolog Aınur Ábıdenqyzyna «Qazaqstannyń eńbek sińirgen qaıratkeri» qurmetti ataǵyn berý týraly jarlyqtarǵa qol qoıdy, — delingen habarlamada.

Osy oraıda Prezıdent ǵalymdarǵa quttyqtaý jedelhatyn joldap, bul marapat olardyń uzaq jylǵy irgeli izdenisteri men tabandy eńbekteriniń nátıjesi ekenin atap ótti. Memleket basshysy belgili shyǵystanýshylardyń otbasyna baq-bereke jáne shyǵarmashylyq tabys tiledi.

Aıta keteıik, buǵan deıin Prezıdent ǵylym salasynda zor jetistikke jetken ǵalymdardy marapattaǵan bolatyn.