Memleket basshysy belgili ekonomıst, qoǵam qaıratkeri Orazaly Sábdendi qabyldady

ASTANA. KAZINFORM – Kezdesýde elimizdiń ekonomıkalyq damý perspektıvalary jan-jaqty talqylandy - dep habarlaıdy Aqordanyń baspasóz qyzmeti. 

Bul oraıda el ekonomıkasyn ártaraptandyrý, óndiristik áleýetti arttyrý, shaǵyn jáne orta bıznes pen aýyl sharýashylyǵyn damytý máselelerine basa nazar aýdaryldy. Kózdelgen maqsattarǵa qol jetkizý úshin atalǵan salalardy tsıfrlandyrý aıryqsha mańyzdy. Sonymen qatar áleýmettik ınnovatsııa arqyly halyqtyń turmys sapasyn jaqsartý joldary qarastyryldy.

Prezıdent byltyr Joǵary bilimdi jáne ǵylymdy damytýdyń 2029 jylǵa deıingi tujyrymdamasy qabyldanǵanyn atap ótip, memlekettiń atalǵan salalarǵa basa mán beretinin aıtty.

Memleket basshysy Ǵylym akademııasynyń jaı-kúıin árdaıym jiti nazarynda ustaıtynyn jetkizdi. Sondaı-aq bilimdi, álemdik úrdisti jetik biletin jastarǵa qoldaý kórsetile beretinine nazar aýdardy.

Orazaly Sábden ǵylym salasyn damytýǵa qatysty usynystarymen bólisti.