Memleket basshysy Belgııalyqtar Korolimen jáne Patshaıymymen birge Ulttyq balalardy ońaltý ortalyǵyna bardy
ASTANA. KAZINFORM - Prezıdent Qasym-Jomart Toqaev Korol Fılıpp jáne Patshaıym Matıldamen birge Astanadaǵy Ulttyq balalardy ońaltý ortalyǵyn aralap kórdi, dep habarlaıdy Aqordanyń baspasóz qyzmeti.
Mártebeli meımandar damýynda aýytqýy bar balalarǵa keshendi kómek kórsetý tártibimen tanysty.
Belgııa Koroli men Patshaıymyna erekshe qajettilikteri bar balalardyń kommýnıkatıvtik daǵdylaryn, tanym-túısigin jáne óz betinshe áreket etý qabiletin shyńdaýǵa baǵyttalǵan medıtsınalyq, psıhologııalyq-pedagogıkalyq ońaltýdyń jáne áleýmettik beıimdeýdiń zamanaýı ádisteri týraly baıandaldy.
Jeke qalpyna keltirý baǵdarlamalarynda robottandyrylǵan reabılıtatsııa tehnologııasy da qoldanylady.
Ortalyq jumysynda áleýmettik ıntegratsııaǵa jáne balalardyń qoǵam tirshiliginen tys qalmaı, tolyqqandy ómir súrýine jaǵdaı jasaýǵa aıryqsha mán beriledi.
Korol Fılıpp pen Patshaıym Matılda balalarmen, olardyń ata-analarymen jáne medıtsına qyzmetkerlerimen áńgimelesip, ınteraktıvti baǵdarlamaǵa qatysty.
Budan keıin meımandar Qurmetti qonaqtar kitabyna estelik jazba qaldyrdy.
Ulttyq balalardy ońaltý ortalyǵy psıhonevrologııalyq dertke shaldyqqan, sóıleýinde, kognıtıvti damýynda jáne minez-qulqynda buzylystary bar, sonyń ishinde tserebraldy sal aýryna dýshar bolǵan jáne aýtıstik spektri buzylǵan balalarǵa keshendi kómek usynady.
Jyl saıyn Qazaqstannyń barlyq aımaǵynan 5 myńnan astam patsıentke ońaltý qyzmetteri kórsetiledi.
