Memleket basshysy Bangladesh Prezıdentine quttyqtaý jedelhatyn joldady

ASTANA. KAZINFORM - Qasym-Jomart Toqaev Prezıdent Mohammad Shahabýddın Chýppý men onyń barsha otandastaryn Bangladesh Halyq Respýblıkasynyń ulttyq merekesi – Táýelsizdik kúnimen quttyqtady.

Bul týraly Aqordanyń baspasóz qyzmeti habarlady.

Memleket basshysy Qazaqstan men Bangladesh arasyndaǵy dostyq jáne ózara túsinistikke negizdelgen qarym-qatynas qos halyqtyń ıgiligi úshin udaıy damı beretinine senim bildirdi.

Prezıdent Qasym-Jomart Toqaev Mohammad Shahabýddın Chýppýdyń jaýapty qyzmetine tolaıym tabys, al dostas Bangladesh halqyna qut-bereke tiledi.

Osyǵan deıin Memleket basshysy Grekııa prezıdentine quttyqtaý jedelhatyn joldaǵan bolatyn.