Memleket basshysy balalar aýrýhanasy salynatyn qalalardy atady
ASTANA. KAZINFORM – Elimiz boıynsha segiz zamanaýı perınataldy ortalyq salý josparlanyp otyr. Bul týraly Quryltaı otyrysynda «Jańa tarıhı kezeńdegi Qazaqstannyń ózekti mindetteri» atty Qazaqstan halqyna Joldaýyn jarııalap jatqan Prezıdent Qasym-Jomart Toqaev aıtty.
- Qazaqstanda jeti mıllıonǵa jýyq bala bar. Bul – halqymyzdyń 34 paıyzy. Jyl saıyn 330 myńnan astam sábı dúnıege keledi. Elimizde halyq sany qarqyndy ósip jatyr. Sondyqtan densaýlyq saqtaý ınfraqurylymyn júıeli ári jedel damytý – óte mańyzdy mindet. Biz aýqymdy qurylystyń alǵashqy kezeńinde elimiz boıynsha segiz zamanaýı perınataldy ortalyq salýdy josparlap otyrmyz, - dedi Memleket basshysy.
Prezıdent dereginshe, Atyraý, Aqtóbe, Almaty, Shymkent, Qaskeleń, Semeı, Aqtaý qalalarynda jeti kópbeıindi balalar aýrýhanasy, Astanada taǵy eki medıtsınalyq nysan boı kóteredi.
- Atalǵan jumysqa bıýdjet qarajatymen qatar, jeke kapıtaldy keńinen tartqan jón. Qolǵa alynǵan memleket pen jekemenshik seriktestigi jobalaryn sátti júzege asyrý qajet. Mundaı seriktestik túri áleýmettik ınfraqurylymǵa salynatyn jeke ınvestıtsııa kólemin ulǵaıtýǵa kómektesedi. Eń bastysy, tıisti rásimderdi negizsiz sozbaı, sheshimderdi tez qabyldaý kerek, - dedi Qasym-Jomart Toqaev.
Buǵan deıin Memleket basshysy el ómirindegi tarıhı ózgeristerdiń barlyǵy halyqtyń kóz aldynda bolyp jatqanyn aıtqan edi.
