Memleket basshysy Baqtyqoja Іzmuhambetovti qabyldady

ASTANA.  KAZINFORM – Prezıdent Qasym-Jomart Toqaev Májilis depýtaty, «Ardagerler uıymy» respýblıkalyq qoǵamdyq birlestiginiń tóraǵasy, Ulttyq quryltaı múshesi Baqtyqoja Іzmuhambetovti qabyldady. 

Memleket basshysyna «Ardagerler uıymy» respýblıkalyq qoǵamdyq birlestiginiń atqaryp jatqan jumystary jóninde málimet berildi. Baqtyqoja Іzmuhambetovtiń aıtýynsha, qazir 2 joba júzege asyrylyp jatyr. Atap aıtqanda, «Dáneker» bastamasy qolǵa alynǵan. Onyń nátıjesinde sońǵy 4 jylda 6 896 daýdyń 4 563-inde taraptar isti sotqa jetkizbeı kelisimge kelgen. Al, muqtaj azamattarǵa áleýmettik qoldaý kórsetýge baǵyttalǵan «Іskerlik jáne janashyrlyq» jobasy qazir Atyraý, Soltústik Qazaqstan jáne Qyzylorda oblystarynda iske asyrylyp jatyr. 

Budan bólek, Prezıdentke ardagerlerdiń «Qoǵamdyq baqylaý týraly» Zańdy júzege asyrýǵa belsendi atsalysyp jatqany jóninde baıandaldy. Olar sý tasqynymen kúres kezinde halyqty sabyrǵa shaqyryp, túsindirý jumystaryn júrgizdi. 

Kezdesýde Memleket basshysyna munaı-gaz, aýyl sharýashylyǵy salalaryna, óńirlerde azyq-túlik baǵasyn turaqtandyrýǵa jáne din máselesine qatysty usynystar berildi.