Memleket basshysy Bahreın Korolimen telefon arqyly sóılesti
ASTANA. KAZINFORM – Prezıdent Qasym-Jomart Toqaev sheıh Hamad ben Isa Ál Halıfamen Taıaý Shyǵystaǵy ahýaldy talqylap, elimiz qazirgi qıyn-qystaý shaqta Bahreın halqyna tilektes ekenin aıtty. Bul týraly Aqordanyń baspasóz qyzmeti habarlady.
Memleket basshysy Iranǵa qarsy soǵysqa qatyspaǵan Bahreın men basqa da elderdiń azamattyq ınfraqurylymyn zymyranmen atqylaýǵa alańdaýshylyq bildirdi.
Qasym-Jomart Toqaev Qazaqstan jaǵdaıdy odan ári ýshyqtyrmaı, qaqtyǵysty dıalog jáne dıplomatııa jolymen beıbit túrde sheshýdi quptaıtynyn jetkizdi.
Korol Hamad ben Isa Ál Halıfa udaıy qoldaý kórsetkeni úshin Qazaqstan Prezıdentine alǵys aıtty. Sondaı-aq saýda-ekonomıkalyq jáne ınvestıtsııalyq baılanystarǵa basa mán bere otyryp, ekijaqty yntymaqtastyqty odan ári jandandyrýǵa nıetti ekenin rastady.
Taraptar Qazaqstan-Bahreın arasyndaǵy dostyq qatynas pen seriktestikti odan ári nyǵaıtýǵa beıil ekenin jetkizip, qasıetti Ramazan aıynda eki el halqyna beıbit ómir, baq-bereke tiledi.
Buǵan deıin Qasym-Jomart Toqaev BAÁ prezıdentimen telefon arqyly sóıleskenin habarlaǵan edik.