Memleket basshysy Azııa damý bankiniń prezıdenti Masatsýgý Asakavany qabyldady
ASTANA. KAZINFORM - Qasym-Jomart Toqaev Ortalyq Azııa óńirlik ekonomıkalyq yntymaqtastyǵy baǵdarlamasynyń 23-shi mınıstrlik konferentsııasyna qatysý úshin Astanaǵa kelgen Azııa damý bankiniń prezıdenti Masatsýgý Asakavamen kezdesti, dep habarlaıdy Aqordanyń bapasóz qyzmeti.
Memleket basshysy mártebeli meımandy Qazaqstan men Azııa damý bankiniń nátıjeli qarym-qatynasynyń 30 jyldyǵymen quttyqtady. Qasym-Jomart Toqaev elimiz qarjy ınstıtýtymen ózara yqpaldastyqtyń strategııalyq sıpatyn, sondaı-aq banktiń iri ınfraqurylymdyq jobalardy júzege asyrýǵa jáne ulttyq qarjy júıesin nyǵaıtýǵa qosqan úlesin joǵary baǵalaıtynyn aıtty.
Azııa damý banki 1994-2024 jyldar aralyǵynda Qazaqstanda jalpy somasy 7 mıllıard dollarǵa jýyq jobalardy qarjylandyrdy. Atap aıtqanda, bank Batys Qytaı – Batys Eýropa halyqaralyq kólik dálizin salýǵa, sondaı-aq Aqtóbe – Qandyaǵash jolyn qaıta jóndeýge qatysty.
Qazaqstan Prezıdenti jańa basym baǵyttar boıynsha birlesken sharalardy odan ári jalǵastyrýdyń mańyzdy ekenin atap ótti. Memleket basshysy Qazaqstanda ekonomıkany yryqtandyrý, ınvestıtsııalyq ahýaldy jaqsartý jáne elimizdiń ekonomıkalyq áleýetin arttyrý úshin qajetti jaǵdaı jasaý jumystary jalǵasyp jatqanyn jetkizdi. Qasym-Jomart Toqaev ekonomıkany dekarbonızatsııalaý ózara is-qımyldyń perspektıvti salalarynyń biri ekenine toqtaldy.
Osyǵan deıin Prezıdent Qasym-Jomart Toqaev Astanaǵa jumys saparymen kelgen Reseı Federatsııasynyń Syrtqy ister mınıstri Sergeı Lavrovpen kezdesken bolatyn.
