Memleket basshysy Ázerbaıjannyń Syrtqy ister mınıstrin qabyldady

ASTANA. KAZINFORM – Qasym-Jomart Toqaev Astanaǵa resmı saparmen kelgen Ázerbaıjannyń Syrtqy ister mınıstri Djeıhýn Baıramovpen kezdesý ótkizdi. Prezıdent meımanǵa iltıpat bildire otyryp, san qyrly memleketaralyq baılanysty odan ári nyǵaıtý turǵysynan bul kezdesýdiń mańyzyn atap ótti.

– Sizdiń saparyńyzdyń baýyrlas Ázerbaıjan elimen yntymaqtastyǵymyzdy odan ári ilgeriletý turǵysynan máni zor. Biz úshin Ázerbaıjanmen qarym-qatynas erekshe mańyzǵa ıe. Biz Sizdiń elińizdi senimdi strategııalyq seriktes jáne odaqtas retinde qarastyramyz, – dedi Prezıdent.

Óz kezeginde Ázerbaıjannyń Syrtqy ister mınıstri dástúrli túrde qonaqjaılyq tanytqany úshin rızashylyǵyn bildirip, ekijaqty qarym-qatynastyń qarqyndy damyp kele jatqanyna toqtaldy.

Djeıhýn Baıramov oraıly sátti paıdalana otyryp, ázerbaıjandyq áýe jelisine tıesili ushaqtyń Aqtaýdaǵy apaty kezinde jedel kómek kórsetkeni úshin Qazaqstan tarapyna Prezıdent Ilham Álıev pen Ázerbaıjan halqynyń atynan alǵys aıtty.

Kezdesýde aýqymdy strategııalyq jobalardy júzege asyrý, sonyń ishinde Kaspıı teńiziniń tabany arqyly talshyqty-optıkalyq baılanys pen sýasty elektr jelisin tartý máseleleri talqylandy.

Sonymen qatar saýda, ınvestıtsııa, tsıfrlandyrý, kólik-tranzıt salalaryndaǵy ózara yqpaldastyqty odan ári jandandyrý perspektıvasy qarastyryldy.

Aıta keteıik, buǵan deıin Prezıdent Abaı oblysynyń ákimi Berik Ýálıdi qabyldady.