Memleket basshysy Ázerbaıjan Prezıdentine quttyqtaý jedelhatyn joldady
ASTANA. KAZINFORM - Qasym-Jomart Toqaev Ilham Álıevti Qazaqstan Respýblıkasy men Ázerbaıjan Respýblıkasy arasyndaǵy strategııalyq áriptestik jáne odaqtastyq qarym-qatynas týraly shartqa qol qoıylǵanyna 20 jyl tolýymen quttyqtady. Bul týraly Aqordanyń baspasóz qyzmeti habarlady.
– Elderimiz arasyndaǵy yntymaqtastyqtyń basty baǵyttaryn qamtıtyn bul tarıhı qujat qazaq-ázerbaıjan baılanysyn damytýdaǵy mańyzdy kezeńniń bastalǵanyn aıqyndap, kóptegen sala boıynsha ózara yqpaldastyqty nyǵaıtýǵa berik negiz qalady. Birlesken kúsh-jiger arqyly strategııalyq seriktestik pen odaqtastyqty odan ári nyǵaıtyp, ekijaqty yntymaqtastyqtyń orasan zor áleýetin halyqtarymyzdyń ıgiligi jolynda paıdalanamyz dep senemin, – delingen quttyqtaý jedelhatynda.
Qazaqstan men Ázerbaıjandy ortaq tarıh pen rýhanı qundylyqtar baılanystyratynyn jazǵan bolatynbyz.