Memleket basshysy Ázerbaıjan Prezıdentine quttyqtaý jedelhatyn joldady

ASTANA. KAZINFORM - Qasym-Jomart Toqaev Ilham Álıevti jáne ázerbaıjan halqyn ulttyq merekesi – Táýelsizdik kúnimen quttyqtady, dep habarlaıdy Aqordanyń baspasóz qyzmeti.

– San ǵasyrlyq dostyqqa negizdelgen qazaq-ázerbaıjan qarym-qatynasy shynaıy strategııalyq seriktestik pen odaqtastyq rýhynda damyp kele jatqany qýantady. Birlesken kúsh-jigerimiz arqyly jetistikterimizdi eselep, san qyrly memleketaralyq yntymaqtastyqty jańa beleske shyǵaratynymyzǵa senimdimin, – dep jazylǵan jedelhatta.

Qasym-Jomart Toqaev Ilham Álıevtiń jaýapty memlekettik qyzmetine tabys, al baýyrlas ázerbaıjan halqyna baq-bereke tiledi.

Osyǵan deıin Memleket basshysy Grýzııa Prezıdentin Táýelsizdik kúnimen quttyqtaǵan bolatyn.