Memleket basshysy Ázerbaıjan Prezıdenti Ilham Álıevke kóńil aıtty
ASTANA. KAZINFORM – Prezıdent Qasym-Jomart Toqaev Ilham Álıevke Mańǵystaý oblysynda Ázerbaıjannyń áýe joldary ushaǵy apatqa ushyrap, ekıpaj músheleri men jolaýshylardyń qaza tapqany týraly sýyt habardy tereń kúızelispen qabyldaǵanyn jetkizdi. Bul týraly Aqordanyń baspasóz qyzmeti habarlady.
– Orny tolmas aýyr qaıǵyǵa ortaqtasa otyryp, Sizge, qaza tapqan azamattardyń týǵan-týystaryna jáne barsha Ázerbaıjan halqyna kóńil aıtamyn. Meniń tapsyrmammen Qazaqstan Úkimeti memlekettik komıssııa qurdy. Komıssııa qutqarý operatsııasy aıasynda tıisti sharalar qabyldap, Ázerbaıjan tarapyna qajetti kómek kórsetedi, – delingen jedelhatta.
Eske sala ketsek, Baký- Groznyı J2-8243 nómirli reısin oryndaǵan Embraer 190 ushaǵy Aqtaý qalasynan 3 shaqyrym jerde apatty jaǵdaıda qondy.
Oqıǵa ornyna QR Tótenshe jaǵdaılar mınıstrligi jeke quramynyń 52 adamy men 11 birlik tehnıkasy bardy.
Apatqa ushyraǵan ushaq bortynda Qazaqstannyń 6 azamaty boldy.
QR Kólik mınıstrligi málim etkendeı, Ázerbaıjan tarapynyń aldyn ala aqparaty boıynsha, bortta 62 jolaýshy men 5 ekıpaj múshesi bolǵan.
QR Prezıdentiniń tapsyrmasymen Memlekettik komıssııa quryldy.