Elimizde aýyl sharýashylyǵyndaǵy jalpy ónim sońǵy on jylda 2,5 ese ósti

TARAZ. KAZINFORM — Dıqandarymyz eki jyl qatarynan rekordtyq deńgeıde mol astyq jınap, qambany toltyrdy. Bul týraly Prezıdent Jambyl oblysynyń jurtshylyǵymen kezdesý barysynda aıtty.

Qasym-Jomart Toqaevtyń sózinshe, memleket sharýalarǵa qarjylyq qoldaý kórsetýdiń ońtaıly joldaryn usynyp jatyr.

— Kóktemgi egis jáne kúzgi jıyn-terin jumystary úshin dıqandarǵa jeńildikpen nesıe beriletin boldy. Bıyl osy maqsatqa 1 trıllıon teńge qarjy bólindi. Bul — osydan bes jyl burynǵy jaǵdaımen salystyrǵanda 10 ese artyq kórsetkish. Degenmen Úkimet aýyl sharýashylyǵynyń tıimdiligi boıynsha belsendi túrde jumys isteýi kerek, qomaqty qarajatty sýbsıdııa retinde berý eń jaqsy tásil dep aıtýǵa bolmaıdy. Osy aımaqtaǵy kórshi elderde mundaı kómekti eshkim bermeıdi. Tegin degen uǵym múldem joq, — dedi Prezıdent.

Osydan buryn Jambyl oblysynda jumys saparymen júrgen Memleket basshysy Qasym-Jomart Toqaev Dala Glass áınek óndiretin kásiporyn qyzmetimen tanysqanyn jazǵanbyz.