Memleket basshysy aýyl sharýashylyǵy kórmesin tamashalady
ASTANA. KAZINFORM - Memleket basshysy aýyl sharýashylyǵy ónimin óndirýshilerdiń kórmesin tamashalady
Kórmede tereń óńdelgen ónimder, zamanaýı agrotehnologııalar, ınvestıtsııalyq, sonyń ishinde sheteldik ınvestorlardyń qatysýymen júzege asyrylyp jatqan jobalar usynylǵan
Memleket basshysyna egin jáne mal sharýashylyqtaryndaǵy, basqa da mańyzdy baǵyttardaǵy ınnovatsııalyq sheshimder men jetistikter tanystyryldy.
Aýyl sharýashylyǵy eńbekkerleriniń birinshi forýmyna elimizdiń túkpir-túkpirinen 2 myńnan astam adam jınaldy. Іs-sharaǵa agroholdıngterdiń ókilderi, fermerler, sharýa qojalyqtarynyń jumysshylary, sondaı-aq qoǵamdyq birlestikterdiń músheleri men ınvestorlar qatysty.
Eske salsaq, búgin Prezıdent aýyl sharýashylyǵy qyzmetkerleriniń birinshi forýmyna qatysyp, sóz sóıledi.
Sonymen qatar birqatar aýyl sharýashylyǵy salasy mamandaryn marapattady.