Memleket basshysy Aýǵanstanǵa kómek kórsetýdi jalǵastyrý qajet dep esepteıdi
AShHABAD. KAZINFORM — Prezıdent Halyqaralyq beıbitshilik jáne senim jylyna, Halyqaralyq beıtaraptyq kúni men Túrikmenstannyń turaqty beıtaraptyǵynyń 30 jyldyǵyna arnalǵan forýmda osylaı dedi.
Qasym-Jomart Toqaevtyń sózinshe, Almatydaǵy Ortalyq Azııa men Aýǵanstanǵa arnalǵan ornyqty damý maqsattary jónindegi BUU óńirlik ortalyǵy osy baǵyttaǵy yntymaqtastyqty úılestiretin mańyzdy platformaǵa aınaldy.
— Turaqtylyq pen qaýipsizdikti nyǵaıtýda Azııadaǵy ózara is-qımyl senim sharalary jónindegi keńes mańyzdy ról atqarady. Bul forým óziniń saıası turǵydan ózektiligin dáleldedi. Osyǵan oraı AÓSShK qyzmetine, sonyń ishinde forýmdy tolyqqandy halyqaralyq ınstıtýtqa aınaldyrýǵa qoldaý kórsetkeni úshin seriktesterimizge alǵys aıtamyz, — dedi Memleket basshysy.
Eske salsaq, qarashada Qasym-Jomart Toqaevtyń tapsyrmasyna sáıkes Aýǵanstan halqyna joıqyn jer silkinisinen zardap shekken turǵyndardy qoldaý maqsatynda gýmanıtarlyq kómek jóneltildi.
Budan buryn Prezıdent BUU-ny reformalaýdyń mańyzyna nazar aýdardy.
Sonymen qatar Qazaqstan Ýkraınadaǵy qaqtyǵysty retteý boıynsha kelissózdiń jandanýyna qoldaý bildiretinin aıtty.