Memleket basshysy Atyraý oblysynyń ákimine óńirdi damytý boıynsha birqatar tapsyrma berdi
ASTANA. KAZINFORM- Memleket basshysy Atyraý oblysynyń ákimi Bolat Aqsholaqovty qabyldady, dep habarlaıdy Aqordanyń baspasóz qyzmeti.
Qasym-Jomart Toqaevqa aımaqtaǵy áleýmettik-ekonomıkalyq jaǵdaı jáne aldaǵy kezeńge arnalǵan basym mindetter týraly baıandaldy.
Prezıdentke oblystaǵy iri ınvestıtsııalyq jobalardyń iske asyrylýy, munaı-gaz hımııasy salasynyń damýy, áleýmettik jáne ınjenerlik ınfraqurylym nysandarynyń qurylysy jóninde esep berildi.
Kezdesýde ekonomıkany ártaraptandyrý, ınjenerlik jelilerdi jańǵyrtý, kólik ınfraqurylymyn jetildirý, ekologııalyq ahýaldy ońaltý jáne respýblıkalyq deńgeıde qoldaýdy qajet etetin jobalardy iske asyrý máselelerine aıryqsha nazar aýdaryldy.
Memleket basshysy Atyraý óńiriniń turaqty áleýmettik-ekonomıkalyq damýyn qamtamasyz etýge jáne halyqtyń turmys sapasyn arttyrýǵa baǵyttalǵan birqatar tapsyrma berdi.
Aıta keteıik, Memleket basshysy osyǵan deıin Endrıý Bernemdi Ulybrıtanııa jáne Soltústik Irlandııa Birikken Koroldiginiń Premer-mınıstri qyzmetine kirisýimen quttyqtady.
