Prezıdent Armenııa Premer-mınıstri Nıkol Pashınıanmen telefon arqyly sóılesti
Memleket basshysy Armenııa Premer-mınıstri Nıkol Pashınıanmen telefon arqyly sóılesti, dep habarlaıdy Kazinform Aqordaǵa silteme jasap.
Áńgimelesý barysynda Prezıdent ekijaqty qatynastardyń dáıekti damyp kele jatqanyn atap ótip, ózara baılanystardy nyǵaıtýǵa belsendi saıası dıalog jáne eki memlekettiń úkimetteri men parlamentteri deńgeıindegi yqpaldastyq septigin tıgizetinin aıtty. Mádenı-gýmanıtarlyq yntymaqtastyq ta qarqyndy damyp keledi.
Qasym-Jomart Toqaev Aqtaý – Erevan – Aqtaý baǵyty boıynsha áýe reısteriniń iske qosylýyn oń baǵalady. Sonyń nátıjesinde bıznes-baılanystar men týrıstik saparlar aıtarlyqtaı jandana tústi.
Taraptar perspektıvti baǵyttardaǵy, sonyń ishinde kólik, logıstıka jáne saýda salalaryndaǵy qarym-qatynastardy odan ári arttyrý máselesin talqylady.
Sonymen qatar Memleket basshysynyń Armenııa Respýblıkasyna resmı saparyn uıymdastyrý máseleleri qarastyryldy.