Memleket basshysy AÓSShK bas hatshysy Qaırat Sarybaıdy qabyldady

ASTANA. KAZINFORM — Prezıdent Qasym-Jomart Toqaevqa Qazaqstannyń Azııadaǵy ózara is-qımyl jáne senim sharalary jónindegi keńeske tóraǵalyǵy aıasynda usynǵan bastamalary men basymdyqtarynyń júzege asyrylý barysy jóninde málimet berildi.

AÓSShK bas hatshysy Qaırat Sarybaı Prezıdentke forýmdy ınstıtýtsıonaldyq turǵydan nyǵaıtý úshin atqarylyp jatqan jumystar týraly aıtty.

Memleket basshysy keńesti halyqaralyq uıymǵa aınaldyrý jolynda Qazaqstan aıtarlyqtaı belsendilik tanytyp otyrǵanyn atap ótti.

Qasym-Jomart Toqaev AÓSShK-tiń turaqty qurylymdary qyzmetiniń tıimdiligin arttyrý jáne onyń geografııasy men syrtqy baılanystaryn keńeıtý arqyly birlestikti odan ári dáıekti túrde damytý qajet ekenine nazar aýdardy.

Prezıdent keńes hatshylyǵynyń qyzmetine aıryqsha mán berip, elimiz onyń barlyq deńgeıdegi jumysyna atsalysa beretinin málimdedi.