Memleket basshysy Antonıý Koshtany Qazaqstanǵa saparmen kelýge shaqyrdy
ASTANA. KAZINFORM — Memleket basshysy Eýropalyq keńes Prezıdenti Antonıý Koshtamen telefon arqyly sóılesti, dep habarlaıdy Aqordanyń baspasóz qyzmeti.
Eýropa tarapynyń bastamasymen Qasym-Jomart Toqaev pen Antonıý Koshta telefon arqyly sóılesti.
Áńgimelesý barysynda Qazaqstan men Eýropa Odaǵynyń arasyndaǵy baılanystardy nyǵaıtýdyń ózekti máseleleri men perspektıvasy talqylandy.
— Memleket basshysy Eýropa Odaǵymen, sonyń ishinde Keńeıtilgen seriktestik jáne yntymaqtastyq týraly kelisim aıasyndaǵy qarym-qatynastardyń damý qarqynyna oń baǵa berdi. Sondaı-aq saýda, ınvestıtsııa, energetıka, kólik-logıstıka jáne tsıfrlyq transformatsııa salalaryndaǵy baılanystardy tereńdetý men ornyqty damýdyń mańyzyn atap ótti, — delingen habarlamada.
Taraptar ekijaqty jáne óńirlik kún tártibiniń barlyq baǵyty boıynsha dıalog pen ózara yqpaldastyqty ilgeriletýge aldaǵy ýaqytta da daıyn ekenin rastady.
Qasym-Jomart Toqaev Antonıý Koshtany Qazaqstanǵa saparmen kelýge shaqyrdy.
Budan buryn Prezıdent UAE SWAT Challenge saıysynda top jarǵan kúshtik qurylymdardyń bir top ofıtserin marapattaý rásiminde sóz sóıledi.