Memleket basshysy: Ana tili máselesi — memlekettik, saıası jáne ulttyq mańyzy bar taqyryp
ASTANA. KAZINFORM — Memleket basshysy Qasym-Jomart Toqaev Halyqaralyq «Qazaq tili» qoǵamynyń H quryltaıynda sóz sóıledi.
— Barshańyzben birge Halyqaralyq «Qazaq tili» qoǵamynyń H quryltaıynda bas qosyp otyrǵanymyzǵa rızamyn. Búgingi jıynnyń mán-maǵynasy erekshe. Sebebi Ana tili máselesi, bul — memlekettik, saıası jáne ulttyq mańyzy bar taqyryp, — dedi Qasym-Jomart Toqaev Táýelsizdik saraıynda ótip jatqan jıynda.
Prezıdenttiń aıtýynsha, qazirgi tańda dúnıe júzinde til ózekti, názik máselege aınalyp ketti.
— Bul úrdiske bárimiz kýá bolyp otyrmyz. Eń aldymen, osy jerde sóz sóılep, mazmundy oılaryn ortaǵa salǵan azamattarǵa alǵysymdy bildiremin. Salmaqty pikirler, utymdy usynystar aıtyldy. Sonyń bárin muqııat qarap, aldaǵy jumysymyzda mindetti túrde eskerý qajet, — dedi Memleket basshysy.
Keshe Memleket basshysy Halyqaralyq «Qazaq tili» qoǵamynyń tóraǵasy Raýan Kenjehanulyn qabyldaǵan edi.
Prezıdent memlekettik tildi úıretýde JI áleýetin barynsha paıdalaný kerektigin aıtty.
