Memleket basshysy Aljır Prezıdentine quttyqtaý jedelhatyn joldady
ASTANA. KAZINFORM — Qasym-Jomart Toqaev Ábdelmájıd Tebbýn men onyń otandastaryn Aljırdiń Táýelsizdik kúnimen quttyqtady. Bul týraly Aqordanyń baspasóz qyzmeti málim etti.
— Biz Aljırdi arab álemindegi senimdi seriktesterimizdiń biri dep qarastyramyz. Berik dostyq pen ózara túsinistikke negizdelgen qazaq-aljır qarym-qatynastary halyqtarymyzdyń ıgiligi jolynda udaıy damı beretinine senimdimin, — dep jazylǵan jedelhatta.
Qasym-Jomart Toqaev Ábdelmájıd Tebbýnnyń jaýapty qyzmetine tolaıym tabys, al dostas Aljır halqyna qut-bereke tiledi.
Aıta keteıik, buǵan deıin Prezıdent Qasym-Jomart Toqaev qazaqstandyqtardy Ulttyq Dombyra kúnimen quttyqtady.
