Memleket basshysy Aljır Prezıdentine quttyqtaý jedelhatyn joldady
ASTANA. KAZINFORM - Qasym-Jomart Toqaev Ábdelmájıd Tebbýn men onyń otandastaryn Aljır Halyq Demokratııalyq Respýblıkasynyń ulttyq meıramy – Revolıýtsııa kúnimen quttyqtady, dep habarlaıdy Aqordanyń baspasóz qyzmeti.
– Biz elińizdi arab álemindegi jáne Soltústik Afrıkadaǵy senimdi seriktesterimizdiń biri retinde qarastyramyz. Qazaqstan men Aljır arasyndaǵy dástúrli dostyq pen ózara túsinistikke negizdelgen qarym-qatynas halyqtarymyzdyń ıgiligi jolynda udaıy damı beretinine kámil senemin, – delingen quttyqtaý jedelhatynda.
Osyǵan deıin Qasym-Jomart Toqaev Rýstam Mınnıhanovty Tatarstan Respýblıkasynyń Raısy bolyp qaıta saılanýymen quttyqtap, Qazaqstan-Reseı qarym-qatynasyn, elimiz ben Tatarstan óńirleriniń ózara tıimdi seriktestigin nyǵaıtýǵa belsene atsalysqany úshin rızashylyǵyn bildirdi.