Memleket basshysy Altyn Orda murasyna arnalǵan taqyryptyq kórmemen tanysty
ASTANA. KAZINFORM — Prezıdent Qasym-Jomart Toqaev Altyn Orda tarıhyna qatysty arheologııalyq, jazba jáne mádenı jádigerler qoıylǵan ekspozıtsııany aralap kórdi. Bul týraly Aqordanyń baspasóz qyzmeti habarlady.
Memleket basshysyna 70 arheologııalyq jáne sáýlettik eskertkishti qamtıtyn ınteraktıvti karta, sonyń ishinde 17 nysanǵa keńeıtilgen sıpattama, áýeden túsirilgen fotosýretter men 3D-vızýalızatsııa kórsetildi.
Kórmedegi negizgi jádigerlerdiń biri — dáýir bıleýshileri men tarıhı tulǵalar týraly genealogııalyq málimetterdi qamtıtyn «Handar shejiresi» atty qoljazba.
Sonymen qatar Katalon atlasy, jazba derekter, teńgeler jáne turmystyq buıymdar bar. Jazba muralar arasynda 3 jarlyq, 4 dıplomatııalyq hat pen 21 qoljazba túpnusqa jáne elektrondy formatta usynylǵan.
Kórmeniń maqsaty — Altyn Ordanyń tarıhı-mádenı murasyn jan-jaqty nasıhattaý jáne onyń ǵylymı zertteý aıasyn keńeıtý.
Aıta ketelik búgin elordadaǵy Táýelsizdik saraıynda «Altyn Orda — dala órkenıetiniń úlgisi: tarıh, arheologııa, mádenıet, biregeılik» atty Halyqaralyq sımpozıým bolǵan edi.
