Memleket basshysy Almatyda ıtalııalyq saýda úıin ashýdy usyndy

ASTANA. KAZINFORM – Memleket basshysy Qasym-Jomart Toqaev Almaty qalasynda ıtalııalyq saýda úıin ashýdy usyndy. 

– Bizdiń elder arasyndaǵy saýdany keńeıtýge saýda úıleri men logıstıkalyq ortalyqtardy ashý arqyly eleýli serpin berýge bolady. Osy oraıda Almaty qalasynda ıtalıan saýda úıin qurý usynylady. Eki eldiń isker toby arasyndaǵy yntymaqtastyqty ońtaılandyrý úshin «Bıznesmender plıýs Italııa» atty dıalog alańyn iske qosý oryndy dep sanaımyz. Mundaı formattaǵy alǵashqy kezdesýdi Qazaqstanda ótkizýge bolady, - dedi Qasym-Jomart Toqaev elordada ótip jatqan «Ortalyq Azııa – Italııa» birinshi sammıtinde. 

Prezıdenttiń aıtýynsha, qazir Ortalyq Azııa elderi shekara mańy saýda-ekonomıkalyq haby men ónerkásiptik kooperatsııa ortalyqtary jelisin qurý baǵytynda júıeli jumys júrgizip jatyr. Qazaqstan ıtalıandyq áriptesterdi osy baǵyttar boıynsha birlesken jobalardy júzege asyrý múmkindigin qarastyrýǵa shaqyrady.

– Bul – toqyma, jıhaz, farmatsevtıka jáne avtomobıl ónerkásibi salalarynda kásiporyndar ashý týraly. Atalǵan salalarda ıtalıan óndirýshileri búkil álem úshin sapa men ınnovatsııanyń eń joǵary standarttaryn qalyptastyryp otyr. Sonymen qatar óńir elderiniń jáne Italııanyń kompanııalary «Astana» halyqaralyq qarjy ortalyǵynyń múmkindikterin paıdalana alady, - dedi Memleket basshysy.

Buǵan deıin Prezıdent Italııanyń joǵary oqý oryndaryn Qazaqstanda fılıalyn ashýǵa shaqyrdy. 

Aıta keteıik, 2026 jyl «Ortalyq Azııa men Italııanyń» mádenı qozǵalys jyly retinde atalyp ótiledi.  

Qazir elordada «Ortalyq Azııa – Italııa» birinshi sammıti ótýde. Oǵan Qazaqstan Prezıdenti Qasym-Jomart Toqaev, Italııa Mınıstrler Keńesiniń tóraǵasy Djordja Melonı, Qyrǵyzstan prezıdenti Sadyr Japarov, Ózbekstan prezıdenti Shavkat Mırzıeev, Túrikmenstan prezıdenti Serdar Berdimuhamedov, Tájikstan prezıdenti Emomalı Rahmon qatysyp jatyr.